Fríggjadagin 17. juni kl. 14:00 skipar Vinnuhúsið fyri næsta tiltakinum um menning av burðardygd í tínari fyritøku. Hesuferð fáa luttakararnir íblástur og amboð til at betra stýringina av burturkasti.
Fríggjadagin 17. juni kl. 14:00 verður tiltak í Vinnuhúsinum, har limafyritøkur fáa høvi at kunna seg um, hvussu man kann loysa avbjóðingarnar við ovurnýtslu og stýring av burturkasti. Talan er um tað næsta av fýra tiltøkum í ár, sum skulu geva fyritøkum íblástur og amboð til at arbeiða skipað við burðardygd í fyritøkuni.
Skeiðshaldarar eru Beinta Højgaard Thomsen, KOB og Ana Holden-Peters, serfrøðingur í burðardygd.
Tiltakið er ókeypis fyri limir í feløgunum í Vinnuhúsinum, men neyðugt er at boða frá luttøku í seinasta lagi mikudagin 15. juni við at senda ein teldupost til industry@industry.fo ella ringja 309900.
