Týsdagin í farnu viku skipaði Føroya Arbeiðsgevarafelag fyri heimleiðistiltaki um hvílitíðir og trygdarskipanina í Arbeiðsumhvørvislógini.
Leivur Persson, stjóri á Arbeiðs- og brunaeftirlitinum, greiddi yvirskipað frá arbeiðsumhvørvislógini og greiddi meira ítøkiliga um trygdarskipanina.
Anna A. Andresen, sálarfrøðingur á Arbeiðs- og brunaeftirlitinum, greiddi síðani frá nýggju vegleiðingini um hvílitíðir, sum Arbeiðs- og brunaeftirlitinum júst hevur gjørt til tess at gera reglurnar í
Arbeiðsumhvørvislógini greiðari fyri brúkarin.
Nakað av fólki var møtt til tiltakið, sum var fyri limir í Føroya Arbeiðsgevarafelag við undirfeløgum.
