Billede123

Tiltak um sosialar miðlar í setanarviðurskiftum

13. november. 2023 | Tíðindi

Føroya Arbeiðsgevarafelag skipar fyri kunningarfundi um regluverkið og rættarligar siðvenjur, tá ið starvsfólk brúka sosialar miðlar

Hósdagin 30. november kl. 14:00-15:30 verður tiltak í Vinnuhúsinum, har limir í Føroya Arbeiðsgevarafelag fáa høvi at kunna seg um regluverkið innan setanarøkið, tá talan er um sosialar miðlar.

Á tiltakinum verður eitt nú kunnað um hesi viðurskifti:  

  • Hvørjar skyldur hevur løntakari mótvegis arbeiðsgevara í einum setanarskeiði í sambandi við sosialar miðlar?
  • Er nøkur skylda galdandi eftir, at setanarskeiðið er av?
  • Hvørjar treytir kann arbeiðsgevari seta í sambandi við, hvussu sosialir miðlar verða nýttir í og uttanfyri arbeiðstíð?
  • Hvørjar møguleikar hevur arbeiðsgevari, um løntakari brýtur treytir ella skyldur?

Lógarverk og siðvenjur

Vinnuhúsið skipaði tann 19. september fyri limatiltaki, har kunnað varð um skipað brúk av sosialum miðlum. Á fundinum 30. nov. verður greitt nærri frá um lógarverkið og rættarligu siðvenjurnar, tá ið starvsfólk nýta sosialar miðlar. Á fundinum verður eisini komið inn á møguleikar hjá arbeiðsgevara at handfara støður, ið kunnu henda, tá ið sosialir miðlar verða brúktir.

Tað vera Jórun Gardar og Alvi Hjelm, ráðgevar í Vinnuhúsinum, ið hava framløgur.

Melda til í seinastalagi týsdagin 28. november kl. 12:00.

Tiltakið er ókeypis fyri limafyritøkur í Vinnuhúsinum

Annað á breddanum

  1. Finnland og Danmark lækka partafelagsskattin

    Finnland lækkar partafelagsskattin til 18% við ársskiftið, og Danmark ætlar at lækka hann til 19% í stigum

    17. november. 2026 | Almenn tíðindi
    Finland Denmark Flags
  2. Enn eitt avgjald á føroyskar arbeiðsgevarar – hesaferð fyri lønarflytingar

    Ætlanin er, at føroyskir arbeiðsgevarar framyvir skulu gjalda eitt avgjald fyri hvørja lønarflyting. Føroya Arbeiðsgevarafelag mælir frá at samtykkja avgjaldið

    17. november. 2026 | Arbeiðsmarknaður
    Vinnuhusid 4
  3. Frídagar um jólini – hvat er galdandi?

    Fá yvirlit yvir frídagar um jólini og nýggjárið, og hvussu arbeiði hesar dagar verður lønt

    17. november. 2026 | Arbeiðsmarknaður
    Frídagar Um Jólini 26