Aðalfundur hjá Føroya Arbeiðsgevarafelag og tiltak um vinnumøguleikar í Grønlandi verður í Vinnuhúsinum mánadagin 15. juni
Mánadagin 15. juni kl. 14 verður árligi aðalfundurin í Føroya Arbeiðsgevarafelag. Beint eftir aðalfundin verður tiltak um vinnuligar møguleikar í Grønlandi.
Tiltakið verður skipað sum samrøður við føroysk vinnulívsfólk, sum hava kunnleika til Grønland og grønlendska marknaðin.
Tey fara millum annað at greiða frá, hvussu tey síggja møguleikarnar í Grønlandi, og hvat tey fingu burturúr ráðstevnuni Future Greenland, sum varð hildin í Nuuk síðst í mai.
Í panelinum eru:
- Jørgin Jacobsen, stjóri í Sandship
- Turið F. Arge, forstjóri í Føroya Banka
- Kristian Stórhamar, eigari og prosjektleiðari hjá KSMS ApS
Tiltakið byrjar umleið kl. 15 og endar umleið kl. 15.45.
Vinnuhúsið skipar í døgunum 29. september til 2. oktober fyri handilsferð til Grønlands, og stórur áhugi er fyri ferðini. Higartil hava 100 fólk frá fleiri enn 50 føroyskum fyritøkum meldað seg til.
