Nú kanst tú melda teg til árligu Aliráðstevnuna, har fólk í alivinnuni og onnur áhugað hittast til fyrilestrar og orðaskifti um havbúnað.

Fríggjadagin 6. mars verður Aliráðstevnan 2026 hildin á Hotel Føroyum. Endamálið við afturvendandi ráðstevnuni er at geva luttakarum íblástur og nýggja vitan um havbúnað, eins og luttakararnir fáa møguleika at netverka.

Í fjør var ráðstevnan fullteknað, tá ið yvir 400 fólk tóku lut. Freistin at melda til er mánadagin 2. mars. Tó er umráðandi at gera skjótt av og tryggja tær pláss alt fyri eitt, tí tað kann henda, at tilmeldingin letur aftur áðrenn tíð, um ráðstevnan verður fullteknað.

Í næstum fara vit at kunngera hvat verður á skránni, og eins og í fjør verða framløgurnar ikki tulkaðar til enskt.

Tað er Havbúnaðarfelagið, sum skipar fyri ráðstevnuni.