Sera stórur eftirspurningur hevur verið eftir at fáa eitt nýtt “Vegurin sum arbeiðspláss”  skeið fyriskipað. Tvey skeið verða hildin. Tað eina skeiðið er fullteknað, meðan nøkur pláss eru eftir á hinum skeiðinum. Eftirútbúgvingargrunnurin Vitan skipar fyri “Vegurin sum arbeiðspláss” skeiðum.

Skeiðini verða hildið av EUC Nordvest á Hotel Hafnia. Pláss er á tí fyrra skeiðinum, sum verður mánadagin 16. týsdagin og 17. mai, meðan fullteknað er til tað seinra skeiðið dagarnar 18. og 19. mai. Kostnaðurin er 3.995 kr. Tó fáa limir í Føroya Handverksmeistarafelag og Føroya Arbeiðsgevarafelag skeiðið fyri 3.295 kr.

Tilmeldingin fer fram umvegis teldupost til industry@industry.fo við at upplýsa:

- Navn

- Føðingardag

- Telefonnummar

- Teldupost

- Fyritøku

Er skeiðsluttakarin limur í Føroya Handverkarafelag ella Landsfelag Handverkaranna og í starvi hjá limi í Føroya Handverksmeistarafelag, hevur skeiðsluttakarin rætt til stuðul úr Eftirútbúgvingargrunninum Vitan.

Les meir um eftirútbúgvingargrunnin Vitan her.