Í Danmark er politiskur áhugi fyri at arbeiða við einum uppskoti um eina partabrævasparikonto til privatar íleggjarar við serliga lágum skatti. Hetta kann verða við til at skaffa pening til smærri og miðalstórar fyritøkur.
Um stutta tíð fara politisku flokkarnir í Danmark at samráðast um vakstrartiltøk fyri smærri og miðalstórar fyritøkur. Fleiri av andstøðuflokkunum meta, at eitt uppskot um partabrævasparikontu er áhugavert.
Íblásturin kemur úr Svøríki, har møguleiki er fyri at stovna eina íleggjarasparikontu, har íleggjarin rindar eitt lágt fast avgjald av inniognini. Tann svenska skipanin umfevnir allar íløgur. Í Danmark verður tó miðar ímóti at gera tað skattaliga bíligari fyri minni íleggjarar at átaka sær váðan at seta pening í smærri vakstrarfyritøkur.
Ein óformellur arbeiðsbólkur, við umboðan frá NASDAQ OMX København, arbeiðir við uppskotinum, og endamálið er at hjálpa smærri fyritøkum at fáa lættari atgongd til kapital.
Fleiri av politisku andstøðuflokkunum síggja partabrævasparikontuna sum eitt høvi at stimbra donsku íløgumentanina. Stjórnarflokkarnir vísa ikki uppskotinum aftur, men eru sinnaðir at kanna møguleikarnir við eini partabrævasparikontu.
Kelda: epn.dk
