Hósdagin 26. september skipar Føroya Arbeiðsgevarafelag í samstarvi við Útlendingastovuna fyri heimleiðistiltaki fyri limum felagsins í samband við at stórur partur av avgerðarmyndugleikanum fyri fyribils- og varandi uppihaldsloyvum er flutt til Føroya.

Flytingin av avgerðarmyndugleikanum merkir, at eitt nú umsóknir viðv. útlendskum starvsfólkum nú verða viðgjørdar av Útlendingastovuni. Føroya Arbeiðsgevarafelag hevur í tí sambandi merkt, at hetta hevur viðført spurningar um hvussu føroyskar fyritøkur við útlendskum starvsfólkum skulu fyrihalda seg. Føroya Arbeiðsgevarafelag hevur tí fingið Útlendingastovuna at greitt frá, hvat hetta merkir fyri einstøku fyritøkurnar, tey loyvi fyritøkurnar og útlendsku starvsfólkini hava og tær umsóknir, ið skulu viðgerast frameftir.

Kunningarfundurin verður í Vinnuhúsinum hósdagin 26. september kl. 15.00-16.00. Tiltakið er ókeypis, og tilmelding til tiltakið kann gerast við at skrivað til teldupost industry@industry.fo. Um spurningar eru í samband við tiltakið, so kunnu tit venda tykkum til Alva Hjelm, Ráðgeva í Vinnuhúsinum, á teldupost alvi@industry.fo.