Varandi Vinna skipar hósdagin 12. mars kl. 15–17 fyri politiskum kjakfundi um grøna orkuskiftið og leiklutin hjá privatu vinnuni

Hósdagin 12. mars kl. 15-17 skipar netverkið Varandi Vinna fyri politiskum kjakfundi í Vinnuhúsinum um grøna orkuskiftið.

Privata vinnan, sum eigur ein stóran part av orkunýtsluni í Føroyum, hevur leingi víst á týdningin av einum skjótum, effektivum og vælskipaðum orkuskifti. Í dag er støðan tó, at grøna orkuskiftið er steðgað upp.

Hetta ger tað torført hjá fyritøkum at kappast við fyritøkur í londum, har atgongdin til grøna orku er trygg og óavmarkað.

Orkuskiftið fær ikki neyðugu ferðina, uttan at privata vinnan gerst ein virkin partur av gongdini. Men seinastu tíðina hava vit sæð fleiri dømi um, at vinnan ikki sleppur framat.

Hvussu tryggja vit, at vinnan gerst ein virkin partur av loysnini?

Vit seta m.a. fokus á:

• politiska raðfesting
• fløskuhálsar í orkuskiftinum
• skjótastu og bíligastu leiðina fram
• leiklutin hjá privatu vinnuni

📍 Vinnuhúsið
🕒 Kl. 15.00-17.00
🎙️ Óluva Zachariassen, orðstýrari
📅 Facebook-tiltak

Tiltakið er alment, og øll eru hjartaliga vælkomin.