Fríggjakvøldið 14. apríl undirskrivaði Føroya Arbeiðsgevarafelag og Finansforbundet nýggjan tvey ára sáttmála fyri starvsfólk, sum starvast í BankNordik, Trygd og Skyn.

Partarnir vóru samdir um eina lønarhækking á 3,80% 1. árið og 4,04% 2. árið. Harumframt vóru aðrar broytingar og tillagingar í sáttmálanum.

Talan er um sama karm, sum semja hevur verið um á privata arbeiðsmarknaðinum í hesi samráðingarrunduni, sum byrjaði 1. mai 2022.