Vika 10 Aðalfundurin Hjá RFH (Mynd Til Tíðindi)
Reiðarafelagið fyri Handilsskip

Vinnan hevur brúk fyri betri marknaðaratgongd

08. mars. 2023 | Tíðindi | Shipping

Mikudagin 1. mars hevði RFH aðalðfund. Fyri vali stóðu Jens Meinhard Rasmussen og Gunnbjørn Joensen, og báðir vóru afturvaldir sum nevndarlimir.

Á aðalfundinum legði formaðurin, Jens Meinhard Rasmussen, ársfrágreiðingina fram. Hann nevndi m.a., at felagið hevur javnan víst á, at handilsskip tørva betri marknaðaratgongd, um vinnan skal verða kappingarfør við útlendsku kappingarneytarnar. Tí mælir felagið nýggja landsstýrinum til at fara undir arbeiði at fáa fleiri tvískattaavtalur og avtalur um cabotagesigling.

Vit fegnast um, at Handilsflotin stendur seg væl í kappingini um sjófólk, og at talið av skipum og starvsfólkum í vinnuni er støðugt. Avbjóðingarnar eru tó tær somu sum undanfarnu ár s.s. avmarkaða tilgongdin av fulltiknum dekkarum og atgongd til starvsfólk yvirhøvur, segði Jens Meinhard Rasmussen.

Farna árið hevur verið merkt av óvissuni kring heimin. Vinnan er rakt av príshækkingum og vaksandi inflasjón, sum ger, at reiðaríini mugu umhugsa sítt virksemi gjølla.

Handilsskip virka undir altjóða krøvum, og bæði IMO og ES londini hava sett víðfevnd krøv í verk fyri at minka útlát og verja umhvørvið.  Vinnan hevur sum mál at røkka hesum krøvum, og gera stórar íløgur innan menning og nýggja útgerð komandi árini.

Til ber at lesa ársfrágreiðingina her: Leinki til ársfrágreiðing

Í nevndini fyri Reiðarafelagið fyri Handilsskip sita: Jens Meinhard Rasmussen, formaður, Hentzar Steingrímsson, næstformaður, Gunnbjørn Joensen, Sjúrður Johansen, Bogi P. Nielsen og Álvur Højgaard.

Annað á breddanum

  1. Vinnudagurin verður aftur 20. september 2024

    Næsta ár verður árligi Vinnudagurin framskundaður eina viku til 20. september

    02. Oktober. 2023 | Shipping
    29Sep23 B3A4454
  2. Heimleiðistiltak um upphavsrætt fyri limir í Samskifti

    Fríggjadagin 20. oktober skipar Samskifti fyri heimleiðistiltaki um upphavsrætt

    02. Oktober. 2023 | KT- og samskifti
    Depositphotos 99621454 XL
  3. Stórur áhugi fyri burðardygd

    Vinnuhúsið hevur sett á skrá eina røð við seks arbeiðsfundum har fyritøkur fáa førleikar og amboð til at gera egnar frágreiðingar um burðardygd. Sera stórur áhugi hevur verið og heili 22 fyritøkur er meldaðar til arbeiðsfundirnar, sum nú eru fult teknaðir

    02. Oktober. 2023 | Burðardygd
    Burðardygd