Hóast trupulleikar orsakað av vánaligum floglíkindum endaði Vinnudagurin 2008 við at verða ein góður dagur. Teir tveir fyrilestrarnir, vit hoyrdu, vóru bæði viðkomandi og góvu okkum tilfar at hugsa um. Heini Zachariassen gav áhoyrarunum innlit í nøkur viðurskifti, sum eru galdandi, tá man fer í gongd við eitt nýtt virki. Hermann Oskarsson vísti okkum við egnum tekningum og vælrakandi orðum okkara egnu spegilsmynd.

Vinnudagurin 2008 varð samanfallandi við JobMatch í Keypmannahavn, og tað er altíð óheppið, at tvey so stór tiltøk liggja samstundis. Tí ber longu nú til at seta í kalendarin, at Vinnudagurin 2009 verður 25. september næsta ár.