Fríggjadagin 19. september verður Norðurlandahúsið aftur karmur um Vinnudagin.

Set kross í kalendaran 19. september. Tá skipar Føroya Arbeiðsgevarafelag fyri vælumtókta Vinnudegnum. Árliga tiltakið er gott høvi hjá vinnulívi, politikarum og øðrum áhugaðum at fáa íblástur um viðkomandi evni og hittast í gaman og álvara.

Eins og undanfarin verða ársins Virki og ársins Vinnuátak kosin og heiðrað. Í fjør varð GroAqua kosið ársins Virki, meðan Sporar & Spírar streyk avstað við heiðrinum sum ársins Vinnuátak. Hvør vinnur hesaferð?

Spenningurin er stórur, og tú eigur at vera har, tá ið avgerðin fellur. Set tí kross í kalendaran 19. september. Skráin verður almannakunngjørd seinni, men longu nú er vist, at skráin verður pakkað við spennandi framløgum.