Fríggjadagin 18. september verður Norðurlandahúsið aftur karmur um Vinnudagin

Set kross í kalendaran 18. september. Tá skipar Føroya Arbeiðsgevarafelag fyri vælumtókta Vinnudegnum. Árliga tiltakið er gott høvi hjá vinnulívi, politikarum og øðrum áhugaðum at fáa íblástur um viðkomandi evni og hittast í gaman og álvara.

Eins og undanfarin verða Ársins Virki og Vinnuátakið kosin og heiðrað. Í fjør varð Poul Hansen kosið Ársins Virki, meðan Atlantic Airways Aviation Academy streyk avstað við heiðrinum sum Vinnuátakið. Hvør vinnur hesaferð?

Spenningurin er stórur, og tú eigur at vera har, tá ið avgerðin fellur. Set tí kross í kalendaran 18. september. Skráin verður almannakunngjørd seinni, men longu nú er vist, at skráin verður pakkað við spennandi framløgum.