Nærum 400 luttakarar vóru við á Vinnudegnum 2025, sum bjóðaði íblástur, kjak og góðar samrøður. Næsti Vinnudagur verður 18. september 2026
Fríggjadagin í farnu viku varð árligi Vinnudagurin hildin í Norðurlandahúsinum, har nærum 400 fólk úr vinnuni og onnur áhugað vóru savnað til ein innihaldsríkan dag við íblástri.
Á Vinnudegnum møtast vinnulívsfólk, politikkarar og onnur áhugað at skifta orð, knýta sambond og fáa íblástur frá framløgum og kjaki um viðkomandi evni.
Eitt fast innslag á skránni eru heiðurslønirnar Ársins Virki og Vinnuátakið, sum í ár fóru til ávikavist Poul Hansen og Atlantic Airways Aviation Academy.
Vit ynskja báðum hjartaliga til lukku við heiðrununum.
Dagurin bjóðaði upp á bæði útlendskar og føroyskar røddir á pallinum. Vit takka hjartaliga Thomas Erikson, Brian Sørensen, Veru Antonsdóttir, Ben Arabo, Rógva Róin, Harriet Olafsdóttir av Gørðum og Símin P. Sivertsen fyri teirra framløgur og íblástur.
Í Norðurlandahúsinum var fult hús, góður stemningur og góðar framløgur, og tað er eitt prógv um, at áhugin fyri at møtast tvørtur um geirar og at arbeiða saman um framtíðar møguleikar er stórur.
Longu nú er greitt, at Vinnudagurin verður aftur næsta ár – fríggjadagin 18. september 2026.
Niðanfyri eru myndir frá Vinnudegnum 2025:
Sí stórt myndasavn ovast á síðuni við at trýsta her:
