Føroya Arbeiðsgevarafelag skipar í heyst fyri vinnuferð til Nuuk, har fyritøkur kunnu styrkja sambond og kanna nýggjar møguleikar
Grønland er ein marknaður í menning, og áhugin fyri samstarvi millum føroyskt og grønlendskt vinnulív er vaksandi. Í døgunum 29. september til 2. oktober 2026 skipar Føroya Arbeiðsgevarafelag tí fyri vinnuferð til Nuuk.
Ferðin er ætlað fyritøkum, sum vilja fáa betri innlit í grønlendska marknaðin, knýta sambond og kanna ítøkiligar møguleikar fyri samstarvi.
Á skránni eru vitjanir, framløgur og fundir við viðkomandi aktørar í Grønlandi. Dentur verður lagdur á bæði fakligt innihald og netverkan, og tíð verður eisini sett av, so luttakarar kunnu røkja síni egnu sambond.
Flogið verður beinleiðis til Nuuk.
Kunning og tilmelding
Tilmeldingin er opin, og áhugin er longu stórur. Fleiri enn 70 luttakarar hava longu boðað frá luttøku. Freistin at melda er 15. juni 2026, og tilmelding og nærri kunning eru at finna á leinkini Vinnuferð til Grønlands.
Hevur tú spurningar um tilmeldingina, kanst tú venda tær til Óla Ejdesgaard frá 62N á oli@62n.fo ella telefon 733525. Hevur tú spurningar um sjálva ferðina, kanst tú venda tær til Alva Hjelm, ráðgeva í Vinnuhúsinum, á alvi@industry.fo ella telefon 739908.
