Vinnuframagrunnurin vil bjóða arbeiðshølir til íverksetarar. Íverksetarar kunnu gera av, hvar í Føroyum teirra dagliga virksemi skal vera. Við hesum ynskir Vinnuframagrunnurin, at skapa íverksetaraumhvørvir kring landið har íverksetarar kunnu savnast og virka saman fyri, at menna teirra hugskot til veruleika.

Kommunur, stovnar, virki o.o. kring alt landið kunnu bjóða fram slík høli. Vinnuframagrunnurin og útleigarin avtala prís á húsaleigu fyri innivist, áðrenn íverksetarin fær atgongd til arbeiðshølið. Upphæddin verður ásett sambært marknaðarprísi á tí plássi, har arbeiðshølið verður leigað.

Hølini skulu góðkennast av Vinnuframagrunninum, áðrenn tey verða leigað. Í hølunum skal íverksetarin hava atgongd til allar vanligar skrivstovuhentleikar, so sum borð og stól, teldu, prentara, telefon, internet, fundarhøli, te-køk o.a.

Meira fæst at vita á heimasíðuni hjá grunninum www.vfg.fo ella við at skriva teldupost til vfg@vfg.fo.