Aftur í ár er Vinnuhúsið við á Jobmatch, sum hesaferð hevur metstóra luttøku av fyritøkum og stovnum. Árliga starvsstevnan er staðið har vinnan, kommunurnar og almenni arbeiðsgevarin hava høvið at hitta fólk, ið eru undir lestri ella hava lokið lestur.
Vinnuhúsið er við fyri at hitta tey vitjandi og fyri at vísa á heimasíðu okkara leinkjan.fo, sum er ætlað at verða eitt amboð hjá føroyskum fyritøkum og lesandi. Endamálið við leinkjan.fo er at verða millumlið millum vinnuna og føroyingar undir útbúgving, fyri at skapa sambond, og at lesandi kunnu finna uppgávur at skriva um føroysk viðurskifti.
Í ár verður Jobmatch í Norðurlandahúsinum frá kl. 13.00-19.00 og tiltakið er ókeypis.
