Vinnuhúsið verður við í Ítrótta- og rørsluvikuni 14.–18. september og heitir á onnur arbeiðspláss um at vera við

Vit sita nógv í Vinnuhúsinum. Men í eina viku ætla vit at sita eitt sindur minni.

Ítrótta- og rørsluvikan snýr seg um at fáa meira rørslu inn í gerandisdagin, og arbeiðsplássini kunnu eisini vera við.

Tað nýtist ikki at vera torført. Gangið ella súkklið til arbeiðis, teljið fet ella trapputrin, farið ein felags gongutúr í matarsteðginum ella setið tykkum eitt felags rørslumál.

Í Vinnuhúsinum taka vit sjálvandi eisini av avbjóðingini, og vit heita á okkara limafyritøkur og onnur arbeiðspláss um at gera tað sama.

Tað snýr seg ikki um at ganga longst ella fáa flest fet – bara um at røra seg eitt sindur meira.

Ítrótta- og rørsluvikan verður 14.–18. september 2026.

Les meira og skráset tykkara arbeiðspláss her