Endamálið við nýggju heimasíðuni er at gera atgongdina til upplýsingarnar á heimasíðuni betur hjá bæði limum okkara og øðrun.

Tilfarið á heimasíðuni fevnir um kunning um hvørt einstakt felag, sum heldur til í Vinnuhúsinum, sáttmálar, lønartalvur og onnur arbeiðsmarknaðarviðurskifti. Heimasíðan hevur eisini nakrar stuttar og einfaldar vegleiðingar um starvsfólkaviðurskifti.

Ikki allar upplýsingar á heimasíðuni eru almennar. Sáttmálar, lønartalvur o.l. eru almenn, meðan meiri nágreiniligu vegleiðingarnar bert eru atkomuligir fyri limir.

Vinnuhúsið hevur hvønn mánamorgun tíðindi á heimasíðuni, ið onkursvegna venda sær til vinnulívið. Til ber hjá øllum at tekna seg til at fáa tíðindabrævið sendandi við t-post.

Eisini skipar Vinnuhúsið fyri ymiskum tiltøkum, bæði skeiðum, kunningartiltøkum o.ø. Hettar verður eisini lýst á heimasíðuni leypandi.

Vælkomin á nýggju heimasíðuna www.industry.fo