Føroya Arbeiðsgevarafelag luttók um vikuskiftið á Fólkafundinum, sum varð hildin í Hoyvíkshøllini og Hoyvíkar skúla. Felagið hevði ein bás í høllini, har fólk kundu vitjað og fáa meira at vita um virksemið í Føroya Arbeiðsgevarafelag og Vinnuhúsinum, og hvørjar hugsjónir Vinnuhúsið hevur fyri framtíðar føroyska vinnu.
Á myndini er Bergur Poulsen, formaður í Føroya Arbeiðsgevarafelag, ið eisini luttók á fólkafundinum.
Marita Rasmussen, stjóri í Vinnuhúsinum, luttók á kjakfundi um framtíðar føroyskt vinnulív saman við Johan Dahl, landsstýrismanni, Jóhan Christiansen, borgarstjóra í Eysturkommunu, og Helga Rasmussen, vinnusálarfrøðingi. Harumframt var Bergur Poulsen, formaður í Føroya Arbeiðsgevarafelag, eisini við í kjaktiltøkum um m.a. kynskvotering í politikki og vakstrarmøguleikar í føroyskum vinnulívi.
Fólkafundurin var eitt gott høvi hjá vinnulívsfólki og politikarum at kjakast um framtíðar møguleikar og útlit í føroyskum vinnulívi.
