30. mai var árligi aðalfundurin hjá Virðisbrævamarknaði Føroya. Niðurstøðan á aðalfundinum var, at felagið verður niðurlagt, og at virksemið steðgar. Talan er um eina solventa likvidatión.
Á skránni til aðalfundin var uppskot um avtøku av felagnum. Í eitt tíðarskeið hevur verið arbeitt við einum tilmæli um framtíðar virksemið hjá VMF, men orsakað av rakstrarhalli, vantandi undirtøku frá skrásettu fyritøkunum og fráflyting frá íslendska keypsskálanum mælti nevndin partaeigarunum til at steðga virkseminum. Eginpeningurin verður útgoldin partaeigarunum.
Nærum allir partaeigararnir vóru til staðar á aðalfundinum, og øll atkvøddu fyri eini avtøku. Tískil er Virðisbrævamarknaður Føroya nú farin undir eina solventa likvidatión við Jógvan Elias Winther Poulsen sum avtøkustjóra. Hetta arbeiðið fer vantandi at taka áleið tríggjar mánaðir.
