423221437 3806017666391269 2413642779529110195 N
Reiðarafelagið fyri Handilsskip

Virksemi við handilsskipum er størsta útflutningsvinnan av tænastum

19. februar. 2024 | Tíðindi | Shipping

Reiðarafelagið fyri Handilsskip (RFH) hevði aðalfund fríggjadagin tann 16. februar. Á fundinum legði Jens Meinhard Rasmussen, formaður í RFH, ársfrágreiðinga fram, har hann greiddi frá um virksemið í felagnum og um gongdina í vinnugreinini.

Jens Meinhard Rasmussen greiddi m.a. frá, at reiðaríini hjá handilsflotanum skapa størsta útflutningsvirðið av tænastum í Føroyum.

Í 2022 var útflutningsvirðið hjá handilsflotanum 1,13 mia. kr. Hetta svarar til 38% av samlaða útflutninginum av tænastum. Honum á baki kemur ferðavinnan við einum útflutningsvirði uppá 900 mió. kr. í 2022.

Reiðaríini skapa eisini nógv arbeiðspláss í Føroyum. Kanning frá RFH vísir, at í januar 2024 arbeiða 1.350 sjófólk hjá reiðaríum í RFH, og 266 starvsfólk arbeiða á landi.

Føroysk reiðarí leggja um til onnur brennievni
Føroysk handilsskip virka undir altjóða reglum, og reiðaríini eru veruliga farin undir umleggingar til burðardyggar loysnir, sum kunnu samvirka til eitt netto null útlát í 2050.

Nevnast kunnu reiðarí sum Navigare, Skansi Offshore og Smyril Line, sum eru farin undir at byggja og umbyggja skip, sum skulu rekast við ammoniakk og metanol. Eisini eru íløgur gjørdar í battarískipanir fyri at minka útlátið.

Umlegging til onnur og grønari brennievni er sostatt ein av teimum heilt stóru íløgunum, sum vinnan er farin undir. Henda umlegging fer at mynda komandi árini hjá handilsflotanum sum heild.

Til ber at lesa ársfrágreiðingina her: Ársfrágreiðing 2023

Á aðalfundinum stóðu Hentzar Steingrímsson, Bogi P. Nielsen, Álvur Højgaard og Sjúrður Johansen fyri vali. Teir vórðu allir afturvaldir sum nevndarlimir.


Nevndin frá vinstru: Álvur Højgaard, Sjúrður Johansen, Gunnbjørn Joensen, Hentzar Steingrímsson, næstformaður og Jens Meinhard Rasmussen, formaður. Bogi P. Nielsen manglar á myndini.

Annað á breddanum

  1. Lokka við ókeypis faldarum

    Við jøvnum millumbilum hevur ein donsk fyritøka lokka føroyskar fyritøkur, við tilboði um, at fáa ein ókeypis faldara, ið tó als ikki er ókeypis. Nú fyritøkan aftur bjóðar hesa tænastu, er neyðugt hjá felagnum Samskifti at ávara, enn eina ferð.

    08. Apríl. 2024 | KT- og samskifti
    Depositphotos 150289946 XL
  2. Nevndin í Ráðgevarafelagnum hevur skipað seg

    Aðalfundur var í Ráðgevarafelagnum mikudagin, tann 20. mars 2024. Nevndin hevur nú skipað seg eftir fyrsta nevndarfundin í nýggju setuni

    08. Apríl. 2024 | Fiskivinna
    Mynd Nevndin Í RGF Til Tíðindi
  3. Mouritz Mohr heldur fram sum formaður

    Týsdagin 26. mars hevði Sjóvinnufelagið aðalfund. Eftir fundin skipaði nevndin seg, og Mourits Mohr og Eli Lassen halda fram sum ávikavist formaður og næstformaður felagnum.

    08. Apríl. 2024
    Billede11