Ein nýggj framskriving frá OECD vísir, at heimsbúskapurin fer at vaksa, men vøksturin verður minni enn áður mett.
Heimsbúskapurin fer komandi tvey árini vaksa við ávíkavist 3,6% og 3,9 %.
Í USA verður roknað við einum vøkstri uppá umleið 3 % um árið, meðan framgongdin í evrulondunum vil verða minni, men tó vaksandi. Vøksturin verður hægri uttanfyri OECD, sjálvt um vøksturin í teimum sokallandi Emerging Markets (lond har BNP pr íbúgva í miðal er lægri enn í teimum framkomnu londunum) helst verður lægri komandi árini enn undanfaru árini.
Minkandi vøkstur í Emerging Markets og tann manglandi framgongdin í evrulondunum og USA merkir, at vøksturin verður meira javnur sæð yvir øll londini enn fyrr roknað við.
Hetta er ikki fyrstu ferð, at OECD metir, at vøksturin í heimsbúskapinum verður minni enn áður mett.
Kelda: Danske bank og DI
