Windows XP – ikki atgongd til netbankan

30. juni. 2014 | Tíðindi | Almenn tíðindi

Eftir 14. juli hava teldur sum nýta Windows XP stýrisskipanina ikki atgongd til netbankan longur.

Orsøkin er tann, at Oracle, sum er veitari av forritinum Java, hevur avgjørt, at frá 15. juli verður Java ikki framhaldandi sambæriligt við Windows XP. Hesa avgerð hevur Oracle tikið, tí at Microsoft er givið við at trygdardagføra gomlu Windows XP stýrisskipanina, sum av fyrstan tíð kom á marknaðin í 2001. Tað hevur við sær, at vandin fyri at teldan verður fongd við virus, ella at óviðkomandi fáa atgongd til telduna, økist.

Fyri at brúka Netbankan krevst dagført Java forrit á telduni, og tí eiga allar teldur ið nýta Windows XP at verða dagførdar við eini nýggjari stýrisskipan skjótast gjørligt.  15. juli verður Java forritið dagført á Netbankanum, og eftir dagføringina ber ikki til at innrita umvegis Windows XP.

Alt eftir, hvussu gomul teldan er, kann gerast neyðugt at keypa eina nýggja teldu, tí nýggjari stýriskipaninar seta størri krøv til telduna enn Windows XP ger.

Mett verður, at í Føroyum eru ímillum 2000-3000 brúkarar av netbankanum, ið nýta Windows XP.

Annað á breddanum

  1. Suðurkorea vísir áhuga fyri føroyskum fiskavørum

    Vitjan úr Suðurkorea setti sjóneykuna á fiskavørur, marknaðaratgongd og møguleikarnar fyri at menna samhandilin millum londini

    14. juli. 2026 | Burðardygd
    Suðurkorea Vitjan Juli2026

  2. Nýggj avtala um sjósílaverkætlanina í 2026

    Havbúnaðarfelagið og P/F Firum hava skrivað undir nýggja avtalu um sjósílaverkætlanina. Endamálið er at fáa meiri vitan um føroysku sjósílini og kanna møguliga ávirkan frá alivinnuni.

    30. juni. 2026 | Ráðgevaravinna
    1

  3. Geopolitisk óvissa og grøna umleggingin seta altjóða shipping undir trýst

    Reiðarafelagið fyri Handilsskip luttók í vikuni á aðalfundi, nevndarfundi og altjóða shippingráðstevnu hjá International Chamber of Shipping (ICS) í Rom, har leiðarar úr altjóða shippingvinnuni, stjórnir, myndugleikar og altjóða felagsskapir umrøddu størstu avbjóðingarnar, sum vinnan hevur.

    30. juni. 2026 | Shipping
    4