Nú páskirnar eru fyri framman eru nakrir lógar- og sáttmálaásettir frídagar, sum arbeiðsgevarin má fyrihalda seg til. Á heimasíðu okkara er eitt yvirlit yvir hesar frídagar.
Skírishósdagur, langi fríggjadagur og 2. Páskadagur eru heilir frídagar, ásettir við lóg.
Páskaaftan er hálvur frídagur hjá hesum feløgum:
- Føroya Arbeiðarafelag
- Havnar Arbeiðsmannafelag
- Havnar Arbeiðskvinnufelag
- Klaksvíkar Arbeiðsmannafelag,
- Klaksvíkar Arbeiðskvinnufelag,
- Samverk
Páskaaftan er heilur frídagur hjá hesum feløgum:
- Føroya Flogteknikarafelag
- Starvsfelagið (Føroya Tele og Posta)
- Føroysk Miðlafólk
Átrokandi arbeiði, sum verður gjørt hesar dagarnar, og eftir kl. 12 hjá teimum, sum hava hálvan frídag, verður lønt við dupultari normalløn, so leingi halgan varir.
