Danski fíggjarmálaráðharrin, Claus Hjort Frederiksen, eigur at vera klárur at veita fleiri hjálparpakkar til danska búskapin, ið framvegis er raktur av kreppu.
Hetta eru fyrstu viðmerkingarnar frá Hans Jørgen Whitta-Jacobsen, formanni í danska búskaparráðnum, eftir at nýggja Løkke-stjórnin í síðstu viku kunngjørdi sínar ætlanir fyri, hvussu Dannmark skal stýrast gjøgnum kreppuna, samstundis sum nýggj tøl fyri danska tjóðarroknskapin vísa, at 2009 – við einum falli í bruttotjóðarúrtøkuni á heili 5,1% - búskaparliga gjørdist tað ringasta árið síðani seinna heimsbardaga.
Fallið í bruttotjóðarúrtøkuni í 2009 gjørdist upp aftur størri enn vit væntaðu í okkara forsøgn í heyst, ið annars var hildin at vera rættuliga svartskygd. Hetta gevur eitt søguliga vánaligt útgangsstøði fyri 2010 og undirstrikar tørvin á framhaldandi at hava allar møguleikar opnar í sambandi við at fíggjarlógin fyri komandi ár verður løgd til rættis,” sigur formaðurin í danska búskaparráðnum, ið vanliga verður kallaður yvirvvísmaðurin.
