Í Norðurlandahúsinum
18. september hittist vinnan til samveru og íblástur á árliga Vinnudegnum, og tá verða Ársins Virki og Vinnuátakið eisini kosin
Eina ferð um árið leggja fólk úr øllum krókum av føroyska vinnulívinum dagliga virksemið til viks. Tey seta kós móti Norðurlandahúsinum, har tey savnast til ein heilt serligan dag. Ein dag við áhugaverdum fyrilestrum, aktuellum evnum, íblástri og góðari samveru.
Vinnudagurin er hátíðardagur vinnunnar. Her hittast fólk tvørtur um vinnugreinar og áhugamál, og her verður bæði hugsað frameftir og aftureftir. Tað er eisini dagurin, tá ið Ársins Virki og Vinnuátakið verða kosin, og nýggj hugskot og samstarv kanska verða fødd.
Men dagurin endar ikki, tá ið skráin í Norðurlandahúsinum er komin at enda. Tá flyta vit okkum og halda fram í góðum veitslulag á Hotel Føroyum.
Føroya Arbeiðsgevarafelag skipar fyri Vinnudegnum.
Skrulla og les meira
Mould Academy, LEGO Group
Claus Søberg Larsen er leiðari fyri Mould Academy hjá LEGO Group, sum útbúgvir lærlingar til verksmiðjur hjá LEGO í Danmark og kring heimin og tryggjar samtakinum neyðugu fakligu førleikarnar í framtíðini.
Government & Public Affairs, LEGO Group
Ole Hammer er stjóri fyri Government & Public Affairs hjá LEGO Group í Danmark og stendur fyri samskiftinum við politikarar, myndugleikar og vinnufelagsskapir. Hann er eisini formaður í Legebranchen.
Journalistur og rithøvundur
Christina Boutrup er journalistur, rithøvundur og serfrøðingur í Kina, geopolitikki og altjóða tøknimenning. Hon hevur í nærum 20 ár fylgt kinesiska samfelagnum og vinnulívinum sum journalistur og korrespondentur í Asia.
Stjóri og medstovnari
Robert Sivertsen er stjóri og ein av stovnarunum av Zakk, sum nýtir vitlíki til at automatisera toll- og handilsarbeiði. Hann fer at greiða frá, hvussu nýggj tøkni kann gera umsitingina skjótari, einfaldari og meira neyva.
Deildarleiðari
Diana Gilstón er leiðari fyri HR, samskifti og kundatænastu hjá TAKS. Hon fer at greiða frá, hvussu TAKS brúkar vitlíki í arbeiðinum, og hvussu nýggja tøknin kann gera arbeiðsgongdir einfaldari og effektivari.
KT-stjóri
Kristian Eli Zachariasen er KT-stjóri hjá Bakkafrosti. Hann fer at greiða frá, hvussu Bakkafrost brúkar vitlíki í arbeiðinum, og hvussu tøknin kann gera arbeiðsgongdir skjótari og effektivari.
Ulla, Jaspur, Tóri og Kristian Eli
Ulla Joensen, Jaspur Højgaard, Tóri Slættalíð og Kristian Eli Zachariasen fara saman við orðstýraranum at kjakast um, hvat vit kunnu vænta okkum á vitlíkisøkinum komandi fimm árini, og hvussu vitlíki kann broyta føroyskt vinnulív og samfelag.
Skráin fyri Vinnudagin
Trýst á leinkið og sí alla skránna fyri Vinnudagin 2026
