Vinnupolitisk prinsipp
01 Varandi gagnnýtsla av tilfeingi
Varandi gagnnýtsla av tilfeingi merkir, at tilfeingið verður gagnnýtt soleiðis, at bæði vit og komandi ættarlið eisini frameftir hava møguleika at fáa gagn av tí tilfeingi, vit í dag nýta í okkara framleiðslu av vørum og tænastum.
Les meira
02 Støðugar karmar
Tað hevur stóran týdning, at vinnan kennir karmarnar, hon fær at virka innanfyri frá politisku skipanini, nøkur ár fram í tíðina, soleiðis at vinnan kann leggja sínar ætlanir innan fyri hesar karmar.
Les meira
03 Vælvirkandi marknaðir
At marknaðirnir eru vælvirkandi merkir, at náttúrutilfeingi, starvsfólk og kapitalur verða nýtt, har tey skapa størst virði.
Les meira
04 Effektiva og kappingarføra skattaskipan
At skattaskipanin er kappingarfør merkir, at tað ikki eru skatta- og avgjaldsskipanirnar, ið eru avgerandi fyri, um føroyskir løntakarar fara av landinum at arbeiða, ella hvat teir annars velja at fáast við á heimliga arbeiðsmarknaðinum.
Les meira
05 Effektiva skipan kring almen rættindi
Tað almenna ræður yvir fleiri rættindum við búskaparligum virði, t.d. fiskirættindum, aliloyvum, festirættindum og rættindum til at gagnnýta vatn til vinnulig endamál. Hesi rættindi verða við loyvisskipanum latin privatum feløgum í sambandi við teirra vinnuvirksemi.
Les meira her
06 Góðar og viðkomandi útbúgvingar- og granskingarskipanir
At hava góðar og viðkomandi útbúgvingar- og granskingarskipanir merkir, at útbúgvingar- og granskingarumhvørvið verður lagt soleiðis til rættis, at útbúgvingar og gransking eru viðkomandi, mennandi og virðisskapandi fyri føroyska samfelagsbúskapin og samfelagið annars.
Les meira
07 Smidligan arbeiðsmarknað
Ein smidligur arbeiðsmarknaður merkir, at tað er lætt hjá arbeiðstakarum at skifta millum størv, samstundis sum arbeiðsgevarar hava góða og breiða atgongd til arbeiðsmegi.
Les meira
08 Effektivt undirstøðukervi
Fyri eitt lítið fjarskotið oyggjaland sum tað føroyska mitt í Atlantshavinum hevur eitt effektivt undirstøðukervi alstóran týdning bæði innanoyggja og millum Føroyar og útheimin.
Les meira
09 Vælvirkandi almennan geira
Tað mugu vera greiðar linjur millum alment og privat virksemi. Vinnuligt virksemi verður lagt til privatu vinnuna at taka sær av, og politiska skipanin eigur at taka sær av og raðfesta stóru vælferðarøkini, sum t.d. heilsu-, almanna-, skúla- og eldraøkið.
Les meira
10 Dagførda vitan um samfelagsgongdina
Dagførd vitan um samfelagsgongdina er í veruleikanum ikki eitt vinnupolitiskt prinsipp, men Føroya Arbeiðsgevarafelag hevur kortini valt at taka hetta við undir vinnupolitisku prinsippini, tí støðan hesum viðvíkjandi er als ikki nøktandi í dagsins samfelag, og Føroyar hava fyrr brent seg av vantandi vitan um veruligu støðuna og gongdina í samfelagnum.
Les meira